МЕПСО ќе го суспендира „ЕНГ Сервис Трејд“ ако не врати долг од 40 милиони денари

Од:

Педесет и седум милиони денари е вкупиот долг кон МЕПСО на компании кои учествуваат на пазарот на електрична енергија што го наследи новото раководство. Овој долг е направен од почетокот на годината, а 70 отсто отпаѓа на компанијата „ЕНГ сервис Трејд“.

dobivaj vesti na viber

Ова го соопшти Симон Шутиноски, директор од новиот менаџмент во МЕПСО на денешната прес-конференција.

Од МЕПСО најавуваат дека ќе го суспендираат „ЕНГ Сервис Трејд“ ако не врати долг од 40 милиони денари, направен за преземена, но неплатена електрична енергија.

– Повеќе од 70 отсто од вкупниот долг, кој во најголем дел е направен во првиот квартал годинава, е на компанијата снабдувач, ЕНГ Сервис Трејд. Претходниот менаџмент, од засега непознати причини, не презел мерки за активирање на инструментите што стојат на располагање за негова наплата. Претпоставуваме дека, надлежните државни инстанци ќе покажат интерес за овој случај за што менаџментот и официјално ќе ги извести, рече Шутиноски.

Тој информираше дека по објавување на јавната опомена пред суспензија за овој снабдувач, вчера е даден налог за активирање на банкарската гаранција депонирана од оваа компанија, со што ќе се покрие дел од долгот на ЕНГ Сервис Трејд спрема МЕПСО.

МЕПСО, како што истакна Шутиноски, во иднина ќе постапува врз основа на законските прописи и правила со цел навремено информирање на јавноста и спроведување на мерките за заштита на јавниот интерес на граѓаните.

Би можело да ве интересира

Украина извезува електрична енергија во Европската унија

Кузеска: Останува мерката за субвенционирање на цената на струјата до 80 отсто за граѓаните, се спречува драматично поскапување

РКЕ: Цената на струјата ќе се зголеми во просек за 7,4 %

Ана Ололовска

РКЕ ги објави пресметките на ЕВН: од поскапување ќе се спасат само оние што најмалку трошат

Орце Костов

ВМРО-ДПМНЕ: Граѓаните ги очекува нов ценовен шок со новото покачување на струјата

Катерина Павлова-Николовска

Ковачевски: АД ЕСМ нема да дозволи големо покачување на цената на струјата за домаќинствата

Ана Ололовска