АД МЕПСО и конзорциумот Сименс Сискон денеска во Владата потпишаа Договор за ревитализација на 400/110 киловолтната трафостаница „Дуброво“ со кој се предвидува целосно да се замени примарната високонапонска и секундарната опрема на трафостаницата, што е стара 40 години.
Вредноста на договорот е 4,6 милиони евра, а ќе се финансира од сопствени средства на МЕПСО, грант од Вестерн Балканс Инвестмен Фрејмворк и кредит од Европската банка за обнова и развој. Ревитализацијата на трафостаницата „Дуброво“ ќе трае три години, а работите се очекува да почнат на почетокот на идната година.
Според најавите, со реализацијата на овој проект се очекува да се обезбеди зголемена сигурност и доверливост во работењето со високонапонската опрема, мониторинг во реално време, навремено детектирање и превенција на дефекти и оптимализација во управувањето со електро- преносниот систем.