Мартовската нето плата 26.422 денари, за 7,4 проценти повисока од лани

Од:

Просечната месечна исплатена нето-плата по вработен во март 2020 година изнесувала 26.422 денари што во однос на истиот месец лани е зголемување за 7,4 отсто. Бруто платата, пак, била 39.437 денари што е раст од 8,1 процент, соопшти Државниот завод за статистика.

Зголемувањето на нето платата се должи, пред сѐ, на зголемувањето на просечната месечна исплатена нето-плата по вработен во секторите: Образование (12,2 отсто), Трговија на големо и трговија на мало; поправка на моторни возила и мотоцикли (11,2) и Преработувачка индустрија (9,8 проценти).

Намалување на просечната месечна исплатена нето-плата во однос на претходниот месец е забележано во секторите: Објекти за сместување и сервисни дејности со храна (15,6 отсто), Уметност, забава и рекреација (15,4) и Стручни, научни и технички дејности (9,9).

Зголемувањето на бруто платата, според статистика, се должи, пред сѐ, на зголемувањето на просечната месечна исплатена бруто-плата по вработен во секторите: Образование (13,3 отсто), Трговија на големо и трговија на мало; поправка на моторни возила и мотоцикли (11,5) и Преработувачка индустрија (10,6).

Намалување на просечната месечна исплатена бруто-плата по вработен, во однос на претходниот месец, е забележано во секторите: Објекти за сместување и сервисни дејности со храна (15,9 отсто), Уметност, забава и рекреација (15,5) и Стручни, научни и технички дејности (8,7).

Би можело да ве интересира

Нето-платата во февруари 27.206 денари

Ана Ололовска

Машиновозачите бараат изземање од ограничувањето на исплата на надоместоците на плата

Ана Ололовска

Ангеловска: Рано да се зборува колку компании ќе се пријават за мерката минимална плата

Ландов

Претседателот, сите министри, пратеници, судии, обвинители, директори ќе земаат минимална плата од 14.500 денари

А1он

Мерката 14.500 плата ќе ја користат и управителите и сопствениците, а бројот на вработени да се задржи до јули 2020

Ана Ололовска

СОНК реагира на начинот на кој е донесена уредбата за укинување на надоместоците на плата

Ана Ололовска