Во организација на Стопанската комора на Македонија и Стопанската комора на Австрија денеска во Скопје ќе се одржи Бизнис форум на кој ќе присуствуваат компании од Австрија.
Ќе бидат присутни компании од градежништвото и инфраструктурата, вода за пиење, отпадни води, наводнување, одводнување, атмосферски води, патна и железничка инфраструктура, особено поставување на безбедносни системи, бариери за заштита од бучава и сообраќајни знаци, системи за сигнализација и автоматизација за железници, санација на патна инфраструктура, заштита на мостови на иновативен начин и др.
На форумот ќе се обратат Герхард Шлатл, трговско аташе во Трговското одделение при Амбасадата на Австрија во Македонија и Јелисавета Георгиева, извршен директор на Стопанската комора на Македонија.