Македонски телеком минатата година ја задржа водечката позиција на пазарот. Финансиските резултати за работењето во минатта година покажуваат дека вкупните приходи изнесуваат 13,8 милијарди денари, и бележат пад од 12 проценти, а нето добивката е во висина од 3,8 милијарди денари.
Ова го соопштија денеска на прес-конференција главниот извршен и финансискиот директор на групацијата Данел Сас и Славко Пројкоски, кои истакнуваат дека иако има намалени финанска добивка, групацијата успеа да ја исполни деловните планови за минатата година.
– Во 2012 година успеавме да ги реализираме нашите деловни планови, сепак од финансиски аспект беше навистина предизвикувачки. Нашите компании работеа во услови на остра конкуренција, во услови на ценовна војна и во услови на намалена економска сила на државата. Изминатиот период го одбележаа порастот на трошоците на живот и намалената потрошувачка. Телекомуникацискито сектор не остана имун на кризата и намалената куповна моќ на граѓаните се рефлектираше како ограничена побарувачка на телекомуникациските услуги, рече Пројкоски додавајќи дека во вакви услови се почесто ниската цена е одлучувачки фактор при изборот на проиводи, за сметка на содржината на понудата и квалитетот на услугата.
Тој додаде дека групацијата од поаѓајќи од таквата позиција се приспособи во работењето минатата година преку репозиционирање и редефинирање на нивните портфолија во фиксната и мобилната телефонија.
Групацијата, како што рече главниот извршен директор Даниел Сас, забележува тренд на намалување на традиционалните услуги и префрлување кон новите современи.
Во 2012 година забележавме исклучителни резултати во делот на дигиталната телевизија, каде на крајот на годината се забележани 67 илјади корисници, и пораст од 66 проценти во однос на 2011 година. Бројот на интернет корисници се зголеми за 7 отсто, истакна Сас потенцирајќи дека иако приходите кај фиксната телефонија бележат намалување за 6 отсто, со бројката од 296 илјади корисници во 2012 година ја задржа водечката позиција на пазарот.
Пазарното учество во сегментот на фиксната телефонија е 73 проценти и во делот на широкопојасниот интернет има удел од 54 проценти.
Плановите на групацијата се не само да ја задржи лидерската позиција, туку и да ја зајакне. Ќе се насочат кон зајакнување на сегментите што ќе осигураат не само развој, туку ќе обезбедат и дополнителни приходи со што ќе се компензираат пред се загубите од говорните услуги.
Одговорајќи на новинарско прашање, Сас истакна дека одлуката за дивиденда ја носи Собранието на акционери, а бидејќи компанијата има приход се очекува дека ќе има исплата на дивиденда.