Германската авиокомпанија „Луфтханза“ утре ќе го откаже секој втор лет поради најавените штрајкови на вработените кои ќе погодат четири германски аеродроми.
На штрајк повика германскиот синдикат Верди, и тоа на аеродромот во Франкфурт кој е најголем аеродром во Германија, потоа во Минхен, Келн и Бремен.
Штрајкот ќе погоди повеќе од 800 летови, односно 90.000 патници, наведува компанијата.
Синдикатот бара зголемување на платите за 6 отсто или најмалку 200 евра за околу 2,3 милиони вработени во јавните служби на компанијата.