Либералната партија на Македонија (ЛП) смета дека ценовната конкуренстност на македонската пченица не треба да се брани со интервенционизам.
– Либералната партија со загриженост ги следи последните измени за откупот на пченица и пченично брашно. За жал, овие измени во политиките на откуп, претставуваат директно прекршување на одредбите од ЦЕФТА договорот и негативно ќе влијаат на нашите извозни потенцијали, особено на виното, рече Горан Николовски, член на Извршниот комитет на ЛП на денешната прес-конференција.
Додаде дека се свсни за проблемот со откуп на домашната пченица, но додаде дека нејзината ценовна конкурентност не се брани со интервенционизам.
– ЛП навремено алармира дека на 22 јули во Белград ќе се одржи состанок на Комитетот на ЦЕФТА за одлуката на македонската Влада за откупот на пченица од годинешната реколта. Впрочем состанокот на Комитетот е свикан на барање на Србија во скратен временски рок. Затоа ЛП ја повикува Владата на РМ да подготви сериозно образложение за најновата мерка на т.н. врзан откуп на пченица и пченично брашно, на состанокот на Комитетот на ЦЕФТА, бидејќи негативната одлука на Комитетот силно ќе влијае на македонското земјоделство, но и на цената на храната во Македонија, потенцира Николовски.