Охридска банка Сосиете Женерал, втора година по ред организира интензивна летна школа за сите заинтересирани студенти кои се во завршна година на додипломски студии или постдипломски студии.
Летната школа „Биди банкар!“ ќе се одржи во Охрид, од 1 до 27 јули 2018 година, а сите заинтересирани студенти можат да се пријават до 27 мај 2018 година.
Школата има за цел да ги воведе младите кадри во банкарското работење преку практична работа, да го прошири знаењето на учесниците во повеќе области, да ги подготви младите за пазарот на трудот, како и да овозможи едномесечно дружење, забава, учење и многу интересни содржини кои ќе помогнат во понатамошниот кариерен развој на учесниците.