Шефот на Меѓународниот монетарен фонд, Кристин Лагард, побара итна акција за решавање на должничката криза во Европа, но и за решавање на претстојната фискална криза во САД.
Лагард предупреди дека светската економија е во многу полоша ссотојба и од она што го предвидуваа песимистичките прогнози. Таа ги поздрави неодамнешната одлука на Европската централна банка и на владите на земјите на Европската унија, но рече дека „мора повеќе и побрзо да се направи“.
– Не очекуваме брзо закрепнување. Тоа продолжува, но многу побавно отколку што се очекуваше – рече Кристин Лагард.
Шефицата на ММФ укажа и на фактот дека ваквата состојба се одразува и на забавувањето на економиите во развој, особено оние во Азија.