Фабриките во Кина извезле 224 милијарди маски од март до декември минатата година, што е скоро 40 маски за секоја личност во светот, што е надвор од Кина.
– Кинеската доминација на извозот за време на пандемијата на коронавирусот најдобро се рефлектира во ставката која стана неопходна за заштита од вирусот: маски за лице. Фабриките извезле 224 милијарди маски од март до декември, што е скоро 40 маски за секоја личност во светот надвор од Кина – изјави за новинарите Ли Куивен, официјален претставник на Генералната царинска управа.
Испораките се вредни вкупно 340 милијарди јуани (52 милијарди долари), што е околу 2% од целиот кинески извоз во 2020 година.
Кинеските компании извезуваа и друга заштитна опрема во вредност од скоро 100 милијарди јуани, рече Ли.
– Вкупно, извозот на медицинска опрема и лекови се зголеми за 31% минатата година во споредба со 2019 година, рече тој.
Побарувачката за маски, болнички одела и наметки, вентилатори и друга стока поврзана со пандемија беше клучен двигател на рекордните перформанси на Кина во извозот во 2020 година, заедно со компјутерите и другата домашна опрема ширум светот.
Бидејќи земјите од САД до Јапонија сега се борат против новите вирусни бранови и повторно воведуваат ограничувања, продажбата на маски и други заштитни производи само ќе продолжи да расте.
„Побарувачката за кинеска стока може да остане силна во следните неколку месеци со неодамнешниот пораст на бројот на заразени лица во САД и Европа“, рече Динг Шуанг, главен кинески економист во „Стандард Плц“ во Хонг Конг.