(ВИДЕО) Кина објави драматична порака до Трамп: Нема да потклекнеме пред насилникот

Од:

Министерството за надворешни работи на Кина објави драматично видео на социјалните мрежи како директен одговор на политиката на американскиот претседател Доналд Трамп, велејќи дека Кина нема да отстапи во трговскиот конфликт. Тие ја споредија американската политика со окото на торнадо кога сè изгледа мирно за момент, но јасно е дека доаѓа уште посилна бура.

Во видеото се апелира меѓународната заедница да се спротивстави на, како што го нарекуваат, „американското малтретирање“, а преку низа примери ги прикажуваат наводните негативни последици од американската економска доминација.

Како илустрација, тие споменуваат како, според нив, агресивната американска економска стратегија ги уништи компаниите како Тошиба и Алстом, притоа предизвикувајќи долгорочна економска штета на некои земји, како Јапонија.

„Попуштањето пред насилникот само ја продлабочува кризата. Кина нема да падне на колена“, вели нараторот во видеото, снимено на англиски јазик со кинески преводи. Пораката ја прикажува Кина како симбол на слободната трговија и сигурен партнер на глобалната сцена.

Посебно е интересно што САД во видеото ги нарекуваат „тигар од хартија“ и нагласуваат дека оваа земја не го претставува глобалното мнозинство. „Насилниците се хартиени тигри, а САД не го претставуваат светот“.

„Кога светот зборува со еден глас, САД остануваат изолирани“, се вели во пораката, предупредувајќи дека Вашингтон ќе продолжи да води нестабилна и агресивна политика.

Како заклучок, Пекинг вели: „Нема да се повлечеме. Дури и послабите ќе имаат можност да им се слушне гласот“.

„Колку е потемна ноќта, толку ѕвездите се посветли“, додаваат на крајот.

Би можело да ве интересира

Трамп: Ќе биде тешко да се постигне договор за ограничување на нуклеарното вооружување

Трамп од авионот им се јавил на европските лидери и им испратил остра порака: „Путин е сериозен за мирот“

Трамп го забележа портпаролот на Путин и му упати неочекуван комплимент: „Одлично си ја вршите работата“

Предраг Петровиќ

Трамп, Путин и Си испратија заедничка порака до судот што бара апсење на рускиот претседател

Поранешен британски министер: Самитот потврди дека Америка повеќе не е предводник на слободниот свет

Си Џинпинг: Кина е лидер во економската соработка во Азиско-пацифичкиот регион