Најмалку 22 лица загинаа, а тројца се повредени во пожар што избувна во ресторан во градот Лиаојанг, во североисточната кинеска покраина Лиаонинг, објавија кинеските државни медиуми. Пожарот избувнал околу 12.25 часот по локално време, објави Синхуа.
🇨🇳 In Chinas Provinz Liaoning kamen bei einem Restaurantbrand mindestens 22 Menschen ums Leben. pic.twitter.com/yHg0bxpKQD
— Nachrichten (@NewsFokus) April 29, 2025
Кинескиот претседател Си Џинпинг повика да се вложат сите напори за да се помогне на повредените во пожарот.
Си нагласи дека пожарот е „отрезнувачка лекција“ и ги повика локалните власти брзо да ја утврдат причината за пожарот, да им пружат помош на повредените и да ги повикаат одговорните на одговорност.
Кинескиот претседател, исто така, рече дека, со оглед на приближувањето на Денот на трудот и патувањата по тој повод, властите мора да обезбедат безбедносни мерки.
Нема непосредни информации за причината за пожарот, но снимките и фотографиите од местото на настанот покажуваат голем пожар што ги зафаќа прозорците и вратите на двокатната или трикатната зграда, јавува АП.
Агенцијата додава дека индустриските несреќи често се случуваат во Кина, обично затоа што персоналот не ги спроведува соодветно безбедносните мерки.