Иранското Министерство за енергетика наведува дека пронашле околу шест милијарди барели нова нафта.
Доколку актуелното производство и извоз се одржат, Иран ќе има залихи на нафта за 80 години и природен гас за 150 години.
– Новото наоѓалиште е откриено во рамки на нафтеното поле Јадараван, изјави иранскиот министер за нафта Ростам Касеми.
Кон крајот на минатата година иранските нафтени резерви се зголемија на огромни 154,8 милијарди барели.
Иран инаку, има потешкотии околу продажбата на нафта поради се построгите санкции на САД и на ЕУ кои се воведени во јануари годинава.