„ВМРО-ДПМНЕ ги призна податоците за кастрофалното ниско ниво на странските инвестиции во Македонија.
Народна банка објави поразителни податоци дека во јуни и јули оваа година, странските инвестиции во Македонија се на рекордно најниско ниво во цела Европа, дури и зад најмладата држава на Балканот, Косово.
Паднаа во вода сите приказни на Никола Груевски кој најавуваше милијарди евра странски инвестиции а никогаш не се остварија.
Знаеме дека ВМРО-ДПМНЕ е во паника но мора да внимава што пишува и што говори.
За каков успех говори ВМРО-ДПМНЕ кога од Македонија заминеле 626.312 граѓани, наголем број високо образовани млади луѓе?
Зарем ВМРО-ДПМНЕ го смета за успех фактот што над 180.000 граѓани во Македонија едвај преживуваат со по 40 денари на ден?
Или ВМРО-ДПМНЕ смета дека е голем успех што над 10.000 фирми во Македонија се затворени а секоја трета е со блокирана сметка?
ВМРО-ДПМНЕ треба да се засрами што Македонија е 12 земја по беден живот од 180 земји во светот!
Повеќе од јасно е, ВМРО-ДПМНЕ и Никола Груевски живеат во нереален, имагинарен свет, додека граѓаните не можат месецот да го поминат а младите се иселуваат“, се вели во соопштението на СДСМ.