Германија ја поддржува Европската унија во нејзината намера да воведе ембарго за увоз на нафта од Русија. За време на последните прелиминарни разговори за шестиот пакет санкции против Русија, Германците гласаа за забраната, јави агенцијата ДПА, повикувајќи се на дипломатски извори.
Во моментов, само неколку европски земји го блокираат ембаргото за испорака на нафта од Русија. Тоа се Унгарија, Австрија, Словачка, Шпанија, Италија и Грција.
Новиот пакет санкции против Русија, покрај постепеното укинување на купувањето нафта, би можел да опфати и дополнителни санкции против банкарскиот сектор, особено Сбербанк, како и ограничувања против голем број физички и правни лица.