Федерацијата на фармери на РМ со свој штанд учествува на саемот „Фруит логистика“ во Берлин, Германија. Целта на посетата е да се презентираат активностите и да се воспостават бизнис конекции и релации за производство и пласман на земјоделски производи.
На саемот своите производи, овошје, зеленчук, механизација, нови сорти и ланци на продажба, ги претставуваат 2.600 компании.
Како што велат од ФФРМ, учеството на саемските манифестации е непходно за развој на земјоделството бидејќи овозможува да се согледаат новитетите, да се разменат искуства и да се реализираат бизнис релации и средби.
„Фруит логистика“ секоја година го посетуваат преку 62.000 посетители кои сакаат да инвестираат или да го развијат своето производство.