Додека Европската Унија јасно ја препознава важноста на минералните суровини и работи на стратегија за сопствено снабдување, Македонија останува заробена во дебати поттикнати од таканаречени еколошки организации.
„Ако Европската унија има јасна стратегија за искористување на своите минерални ресурси, зошто ние би останале заробени во лажни еколошки наративи кои ни го кочат развојот?“, прашува авторот на колумната „Европа и развој или еко популизам“, Виктор Грозданов.
Европа до 2030 година планира најмалку 10% од клучните суровини да се ископуваат дома, а Македонија, богата со бакар и други минерали, сè уште дозволува политички мотивирани екологисти да го забавуваат економскиот развој.
Грозданов предупредува дека радикалните барања на дел од еколошките групи може да доведат до затворање на значајни рударски и енергетски проекти, со последици како зголемена невработеност и индустриска стагнација.
