Етереум, втората најголема криптовалута во светот, достигна нова рекордна вредност од 3.456,57 долари, зголемувајќи ја својата цена за околу 360 проценти од почетокот на оваа година, објави Си Ен Би Си повикувајќи се на најновите податоци на веб-страницата KoinDesk.
Интересот за криптовалути забележа огромен пораст во текот на изминатата година, а најмногу се зајакна побарувачката за биткоин, кој постојано ги уриваше сопствените рекорди. Неговиот раст на вредноста се припишува на низа фактори, вклучително и зголемениот интерес од институционални инвеститори и големи компании, како што е Тесла, кои почнаа да го купуваат.
Eтереум е различен. Функционира повеќе како платформа на која програмерите можат да градат апликации. Eтереум е името на мрежата или основната технологија за блокирање, додека етер е дигитална валута што се користи за лансирање на платформата.
Таканаречените „паметни договори“ се клучна карактеристика на етереумот. Ова се договори што може да се извршат автоматски со користење на кодот. Употребата на етереум станува се почеста кај таканаречените децентрализирани финансиски апликации или апликации DeFi. Овие се финансиски услуги засновани на блокчејн, како на пример заеми, што во теорија би можело да ги заобиколи банките и брокерските куќи.
Минатиот месец, Европската инвестициска банка соопшти дека ја издаде својата прва дигитална обврзница за јавно тргување на блокчејн платформата Етереум.