Европската комисија (ЕК), Европската централна банка (ЕЦБ) и Меѓународниот монетарен фонд (ММФ) ќе се обидат да постигнат конкретен напредок во однос на долгот на Грција до 11. мај, се наведува во заедничко соопштение на институциите, пренесува ТАСС.
– Институциите тесно соработуваат на патот кон целта. Трите институции работат напорно за да биде постигнат конкретен напредок на 11. мај, се наведува во документот, во пресрет на средбата на министрите од еврозоната, закажана за понеделник во Брисел.
Во соопштението се наведува дека ЕК, ЕЦБ и ММФ имаат заедничка цел, да помогнат на Грција да постигне финансиска стабилност и раст.
Претходно ЕК соопшти за телефонски разговор меѓу претседателот на комисијата Жан-Клод Јункер и премиерот на Грција Алексис Ципрас, за време на кој е остварен напредок во преговорите на Атина со меѓународните кредитори.
– Претседателот Јункер и премиерот Ципрас денеска разговараа по телефон. Тие направија потсетување на постигнатиот напредок во преговорите меѓу Грција и нејзините партнери во изминатите неколку дена по објавувањето на списокот со реформи, се наведува во соопштението на ЕК.