Потпретседателот на Европската комисија, Валдис Домбровскис ја поддржа идејата на германскиот министер за финансии Волфганг Шојбле за воведување нови даноци на горивото.
Тие пари, како што се предлага треба да бидат искористени за прифаќање на бегалците.
– Данокот на горивото, на национално и европско ниво, може да биде извор за финансирање, особено ако се земе предвид дека цената на нафтата е најниска досега, рече Домбровскис.
Тој додаде дека се согласува со Шојбле и дека на Европа и се потребни нови идеи, за да се соочи со бегалската криза.
Предлогот на Шојбле, кој тој го изнесе пред две недели, прво предизвика остри критики на германската јавност, вклучувајќи ги и функционерите од неговата конзервативна партија ЦДУ, но полемиката постепено стивна.