dnevnik.hr – Загреб
Ако сте меѓу тие кои се чувствуваат обесхрабрено кога ќе се свртат на својот професионален напредок или финансиската состојба, прочитајте го пописот на совети на најбогатиот Кинез и еден од најголемите милијардери во светот, основачот на Али Баба Групата, Џек Ма.
Не треба се да применувате од пописот, но некои од неговите животни лекции можеби ќе ви се допаднат па не би било лошо да се обидете да ги примените, бидејќи сепак се работи за попис кој го составил претприемач кој Фајненшел Тајмс во 2013 година го именувал за лице на годината, па го смета за симбол на кинескиот претприемачки дух.
1. Прилика барајте надалеку и нашироко, разгледајте ги сите можности, а во потрага за потенцијална прилика гледајте под секој камен и на секој агол.
2. Секоја прилика третирајте ја како отворена врата, ниту една шанса не е премала.
3. Барајте разбирање не само за моменталанта положба, туку и за она кон кое се стремите. Размислете добро што правите и што треба да преземете да дојдете со местото на кое сакате да бидете.
4. Делувајте брзо, кога ќе ви се укаже прилика, делувајте.
5. Гледајте надвор од сопствените околности – храброста и смелоста се поважни за успехот од на пример местото во кое сте пораснале.
6. Канализирајте ги амбициите, концентрирајте се на својата цел и одете кон тоа.
7. Бидете храбри.
8. Искористете ги приликите во младоста.
9. Обединете го својот тим на патот кон заедничката цел, обединете ги да застанат зад некои идеи или мисии и искористете ја нивната помош.
10. Направете се заменливи, идеите, вештините и пристапот во кој верувате негувајте ги и кај лица во кои верувате. Кога ќе тргнете понатаму, нивното водство ќе обезбеди продолжеток на успехот на мисиите или идеите.
11. Вработете луѓе кои имаат подобри технички вештини од вас самите, работниците секогаш треба да бидат технички експерти.
12. Водете со визија, упорност и борбеност, се работи за вештини кои се од витално значење за успешно водење на која било компанија. Лидерот мора да биде визионер и да види прилика каде другите не ја гледаат.
13. Бидете истрајни и во тешки времиња не се откажувајте од својата визија.
14. Ставот е поважен од способноста, какви и да се времиња пред нив, успешните лидери остануваат мирни и сигурни во својата мисија.
15. Здравиот разум при одлучувањето е поважен од способноста, најуспешните лидери не се секогаш најпаметни и најквалификувани на хартија. Меѓутоа, се опкружуваат со експерти на кои им се обраќаат кога им треба совет.
16. Парите и политичката моќ не можат да постојат заедно; таму каде постојат двете ќе се случи експлозија. Ако ве интересира и едното и другото, следете ги тие сонови еден по еден, а не истовремено.
17. Отпорноста можете да ја сфатите дури по поминувањето низ тешкотии – интелектуалното разбирање на овој поим не значи ништо. Дури по вистинското искуство поединец може да се смета за отпорен.
18. Ваша работа е да бидете вредни и амбициозни повеќе од другите.
19. Натпреварувајте се достоинствено, ако ги третирате конкурентите како непријатели и тие на вас ќе гледаат како на непријател. Наместо тоа, почитувајте ја конкуренцијата имајќи на ум дека следниот пат можете да ги замените позициите.
20. Сите конкуренти сфаќајте ги сериозно, на конкуренцијата гледајте со почит бидејќи сите имаат еднакви шанси за успех и тој кој ќе го потцените може да ве победи.
21. Изедначете се со тие со кои се натпреварувате, секоја голема работа има и свој помал почеток и сите заслужуваат место на масата.
22. Победниците не кукаат, тоа е знак за неуспех. Работата со себе носи предизвици, а начинот на кој се справувате со нив е важен за успехот.
23. На прво место се муштериите, на второ вработените, а на трето акционерите. Како лидер имате ограничена количина на време и енергија. Насочете ги на тие кои ја овозможуваат вашата дејност, на клиентите.
24. Заборавете на парите, не сте покренале бизнис исклучиво само поради пари. Ако се сконцентрирате на парите, ќе донесете одлуки различни од тие кои би ги донеле ако се концентрирате на патувањата. По патот кој сте го зацртале одете вредно и амбициозно, а со време ќе дојдат и парите.
25. Пронајдете вистински луѓе, не треба да бидат најдобри и највешти. Највештите на хартија не мора најдобро да се вклопат во вашата култура и начинот на работа. Пронајдете вистински луѓе, а нивните вештини секогаш можат да се развиваат, како и вашите.
26. Бесплатно е многу скап збор, кога давате нешто бесплатно, ја давате добивката на тие човечки ресурси потрошени на развојот. Пред да се одлучите за таков облик на промоција, добро размислете, бидејќи ништо вистински не е бесплатно.
27. Паметен човек го користи мозокот да зборува, ангажирајте го мозокот и искористете го својот интелект.
28. Мудриот човек го користи неговото срце, верувајте во интуицијата.
29. Родени сме да уживаме во животот, а не да го поминеме работејќи. Смислата на животот не е само работа, работа, работа. Фокусот треба да биде на уживањето, не само во работата туку и во луѓето кои ве опкружуваат,
30. Откажувањето е најголем неуспех, никогаш нема да знаете што можете да постигнете ако не се обидете. Прилагодите ги своите идеи, променете ја стратегијата ако е потребно, но никогаш не се откажувајте.