Според официјалното соопштение на Заводот за статистика, минатата година чешката економија бележи помал пад отколку што претходно се претпоставуваше, јави дописникот на МИА од Прага.
Резултатите покажуваат дека Бруто домашниот производ (БДП) се намалил за 0,9 проценти, наместо прелиминарните предвидувања дека неговото намалување ќе биде околу 1,2 посто.
За годинашниов втор квартал од годината, статистичарите потврдија економски раст од 0,6 проценти, односно на годишно ниво намалување од 1,3 проценти. Во тековните цени, минатата година БДП со корекции бил зголемен за 0,4 проценти на 153,8 милијарди евра круни.