Бугарската Влада го одобри предлог- меморандумот за разбирање помеѓу Министерството за транспорт, информатичка технологија и комуникации на Бугарија и Министерството за трговија, туризам и телекомуникации на Србија за намалување на меѓународните тарифи за роаминг за телекомуникациски услуги.
Целта на документот е владите да ги поттикнат мобилните оператори да постигнат конкретни меѓусебни договори, кои ќе доведат до трајно намалување на меѓународните тарифи на роаминг услугите за речиси 14 милиони државјани на двете земји, пренесува БТА.