Биткоин синоќа сруши нов рекорд достигнувајќи вредност од над 11.800 долари, со што вредноста на оваа криптовалута се зголеми за повеќе од 10 пати од почетокот на годината.
Повеќе централни банки и експерти предупредуваат дека биткоинот е исклучително непредвидлива валута, за која има индиции дека е „меур, што може многу брзо да пукне“.
Биткоинот е криптовалута која што се појави во 2009 година. Биткоин се вид дигитални пари (крипто валута) чија популарност во целиот свет рапидно расте од година во година. Она што го прави различен од конвенционалните пари е тоа што ниту една институција не ја контролира мрежата Биткоини, што значи дека банката не може да ги контролира вашите пари. Во април 2010. година цената на еден биткоин изнесувала 0.003 долари.