Целосно е реализирана првата бескаматна линија кредити за поддршка на ликвидноста на микро, малите и средни претпријатија од најзагрозените сектори – угостителство, туризам и сообраќај, објави министерката за финансии Нина Ангеловска на својот фејсбук профил.
-Со првата кредитна линија поддржани се: 738 микро, мали и средни компании, 6.524 вработени, наведува министерката.
Додава дека просечен износ на даден кредит е 7.500 евра, додека вкупниот износ на доделени кредити преку оваа линија е 5,54 милиони евра.
-На фирмите од сите сектори им стои на располагање и втората линија бескаматни кредити преку @razvojnabankanasevernamakedonija , а повеќе информации за оваа линија на ➡ bit.ly/8-milioni-beskamatni-krediti, истакнува министерката Ангеловска.