Со концерт на Тони Китановски вечер во Музејот на град Скопје ќе се затвори ретроспективната изложба „Циклуси“ на сликарот Крунислав Стојановски, која беше отворена еден месец.
Таа беше прва ретроспективна изложба во Скопје на Стојановски, кој 30 години живее и работи во Загреб. Авторот со оваа постановка одбележа 20 години творечка работа и првпат во својот роден град се претстави со најголем број дела од својот целокупен минат труд.
На изложбата беа претставени слики поделени во осум творечки циклуси, избрани од самиот автор и од историчарката по уметност Соња Абаџиева.