На сцената на Народниот театар „Јордан Хаџи Константинов-Џинот“ во Велес утревечер во 20 часот ќе гостува австралиско-македонскиот театар од Сиднеј со претставата „Борење со мечка“, од Душан Ристевски во режија на Стефо Нанцу.
Како што информира на денешната прес-конференција во Велес, Ирена Вељанова, една од раководителите на театарот и воедно актер во претставата, станува збор за драма за семејна комуникација и боледување во осаменоста.
Таа појаснува дека драмата „Борење со мечка“ во која учествуваа девет актери и актерки, ја обработува тема за здравјето на мажите.
– Ја разработува тематиката за тешкотиите кои мажите ги имаат во комуникацијата кога се соочуваат со траумата на сериозни и агресивни болести. Се опишува животот на двајца Македонци чии семејни животи се сосема различни.Едниот е опколен со поддршка,а другиот е оставен сан на себе и отуѓен од своето семејство. Ова е драма за здраствените предизвици со кои се соочуваат сите луѓе без разлика на нивниот пол и возраст, појасни Вељанова.