Добитникот на наградата „Златен венец“ на Струшките вечери на поезијата корејскиот поет Ко Ун денеска ќе биде прогласен за почесен член на Друштвото на писателите на Македонија.
За творештвото на Ун ќе говорат директорот на СВП Мите Стефоски и претседателот на Управниот одбор на струшкиот поетски фестивал Славе Ѓорѓо Димовски.
Венценосецот Ко Ун ќе им се обрати на присутните љубители на поетскиот збор кои ќе имаат можност непосредно да се запознаат со неговото творештво.