Велешкиот театарски ансамбл ја изведе претставата „Последниот балкански вампир“

Од:

На сцената на Народниот театар „Јордан Хаџи Константинов-Џинот“ во Велес синоќа беше изведена премиерата на претставата „Последниот балкански вампир“ по текст на Дејан Дуковски во режија на Александар Ивановски.

Ова е прва премиера од годинашната програма на велешкиот театарски ансамбл, а чија главна тема е манипулацијата со луѓето и информациите.

posledniot-balkanski-vampir

Ивановски појаснува дека „Последниот балкански вампир“ се обидува да ги сочува и одбрани достоинството како човек, како индивидуа, како свесно суштество исправено спроти репресивниот механизам.

– Низ својот карактеристичен фрагментиран говор, Дуковски ни отвара и ни развива атмосфера на гротескна параноја, изместување на границите на вистината и целосно мешање на чувствата и атмосфера изградени од страв,терор и несопирлив хумор. Сржта на драмската структура се движи по рабовите на гротеската и апсурдот, тензијата и олеснувањето, вели Ивановски.

Во претставата настапија актерките: Маја Љутков, Кети Борисовска, Слободанка Чичевска, Кица Ивковска, Славица Манаскова, Весна Димитровска и актерот Самоил Стојановски.

Сценографијата е на Дејан Трипуновски, а костимите на Александра Крнинова Груев. Инаку, овој текс на Дејан Дуковски во 1989 година ја имаше праизведбата токму на сцената на велешкиот народен театар.

Би можело да ве интересира

Новата сезона во „Комедија“ и МНТ од оваа недела, во Драмски од наредната

Ана Ололовска

Театар Комедија лани имал рекордна посетеност

Ана Ололовска

Претставата „Галеб“ патува во Пекинг, на фестивалот „Средба во Пекинг“

Ана Ололовска

Јубилеј на Турски театар без нов објект, очекува пари за фасада и покрив

Ана Ололовска

„Девојчето со кибритчиња“ – премиера на Турски театар-Скопје

Ана Ололовска

Театарските претстави за деца на репертоарот на Народен театар – Битола

Ана Ололовска

Leave a Comment

sixteen − 1 =