Во Музеј на град Скопје ќе се одржи вечер на француска музика и поезија „Патување низ стихови и музика“ со поетесата Лор Камбо.
Вечерта на француската музика и поезија ја организираат Францускиот институт во Скопје и Музејот на град Скопје.
Лор Камбо е пијанистка и поетеса, која настапува со бројни лирски изведувачи, а нејзините стихови се присутни во голем број списанија и антологии.
На програмата се дела од Ерик Сати, Франсис Пуленк, Бела Барток, Ејтор Вила-Лобос, Луј-Моро Готшалк, како и читање на извадоци од поеми на авторката.
По настапот во Скопје, пијанистката Камбо ќе учествува на Фестивалот на поезија „Наим Фрашери“ во Тетово.