Најпопуларната опера од Џакомо Пучини „Тоска“ вечер ќе биде изведена во Македонската опера и балет. Насловната улога ќе ја игра Весна Ѓиновска-Илкова. Режијата е на Огњан Драганов од Бугарија, а Хорот и Оркестарот на МОБ ќе ги води шпанскиот диригент Серхио Алапонт.
Во улогата на Каварадоси ќе настапи солистот Зоран Сотиров, Нико Исаков од Бугарија ќе биде во ролјата на Скарпија, Ернес Ибраимовски како Анџелоти, Драган Ампов ќе игра Клисар, Саша Смилевски во улога на Сполета, Славчо Димовски (Шароне), Димитар Кожухаров (Клучар) и Десанка Глигоријевиќ (Овчарче). Сценографијата е на Зоран Николовски, а костимографијата на Марија Пупучевска.
Операта во три чина е напишана по италијанското либрето од Луиџи Илика и Џузепе Џакоза. Либретото се базира на драмата „Тоска“ од Викториен Сарду. Светската премиера на операта била на 14 јануари 1900 година во Рим.