Театарот за деца и младинци ја освои наградата за колективна актерска игра на 16. Меѓународен куклен фестивал „Златна искра“ во Крагуевац.
Македонскиот театар гостуваше со претставата „Бескрајни соништа“ која минатата година освои награда за оргиналност и фантазија на фестивал во Суботица.
Во претставата играат Татјана П. Кочовска, Ана Левајковиќ-Бошков, Марија Ѓорѓијовска, Наташа Петровиќ, Владимир Лазовски, Предраг Павловски, Драган Довлев, Мартин Јорданоски, Мики Анчевски и Ненад Митевски.
– Со оваа награда Македонија уште еднаш покажа дека го има еден од најквалитетните детско-куклени театри во регионот и пошироко, се наведува во денешното соопштение од Театарот за деца и младинци.