Денеска започнува снимањето на новиот краток игран филм на Лавиринт Продукција со работен наслов „Несигурна смрт“.
Сценариото и режијата се на Петар Џуровски, а директор на фотографија е Горан Наумовски. Улогите се на Драгана Костадиновска, Димитар Ѓоргиоски, Дејан Лилиќ, Владимир Тулиев и Игор Доневски.
Филмот ќе се снима на неколку локации во Скопје во наредните десетина дена.
Кратката играна форма е голем уметнички предизвик пред сè заради лимитираното време за израз кое бара особена режисерска вештина во начинот и стилот на филмската нарација.
Проектот е финансиски поддржан од Агенцијата за филм на Македонија.