Од денеска до 19-ти овој месец во Македонскиот народен театар и Кинотека на Македонија ќе се одржува Првиот меѓународен филмски фестивал за духовни и хумани вредности.
Во рамки на фестивалот ќе бидат прикажани 15 играни и документарни филмови од фестивали и продуценти кои негуваат ваков жанр. Планирано е и да се одржат и тематски трибини на кои ќе говорат режисери и продуценти од странство.
Фестивалот ќе биде отворен денеска во новиот објект на МНТ, а на отворањето ќе им бидат врачени дипломи за лицата кои помогнале во реализацијата на фестивалот. Најавено е и обраќање и на амбасадорот на Руската Федерација Олег Шчербак и амбасадорот на Чешката Република Мирослав Рамеш.
Фестивалот се одржува под покровителство на Агенцијата за филм на Република Македонија и со благослов на Македонската Православна Црква – Охридска Архиепископија.
Претседател на фестивалот е проф. д-р Јован Таковски, протојереј ставрофор, годинашен добитник на признанието Орден од прв ред Свети Климент Охридски на МПЦ – ОА.