Промоција на книгата „Песните се нивни незаборав“

Од:

Во рамки на „Скопско лето“ денеска напладне ќе биде промовирана книгата „Песните се нивни незаборав“ – монографски труд посветен на 24 починати пејачи чии што песни и изведби имаат трајни вредности. Автори на делото се Кирил Тодевски – етномузиколог и повеќегодишен урредник на Редакцијата за народна музука на Македонското радио и Марија Велковска – уредник во Музичката програма на Македонското радио.

Како што соопшти организаторот на „Скопско лето“ – Дирекцијата за култура и уметност на Скопје (ДУКС), книгата е посветена на песнопојците: Васил Хаџиманов, Никола Бадев, Александар Сариевски, Васка Илиева, Мирвет Беловска, Благој Петров-Караѓуле, Нада Макеларска, Гого Зафироски-Зафиро, Вања Лазарова-Димитровска, Блага Видец, Јонче Христовски, Добри Ставревски, Драгица Мавровска, Кирил Манчевски, Љупчо Дучевски, Мирко Митревски, Пепи Бафтировски, Есма Реџепова-Теодосиевска, Кирчо Поплазаров, Гоце Николовски, Петранка Костадиновска, Војо Стојановски, Јанко Узунов и Гоце Арнаудов.

– Зад себе оставија непроценливо фолклорно богатство, со кои за навек го легитимираа македонскиот фолклорен израз. Со своите песни за себе испишаа незаборав, а на повиканите од сферата на Фолклористиката, односно Етномузикиологијата останува нивниот незаборав трајно да го забележат во своите научни и друг вид на прилози, соопшти ДУКС.

Согласно со објавените протоколи, бројот на публиката ќе биде ограничен и задолжително ќе биде почитувањето на препорачаните мерки: носење заштитни маски, мерење телесна температура одржување на пропишаната физичка дистанца меѓу посетителите во гледалиштето и дезинфекција.

Би можело да ве интересира

Во Битола се одржа научен собир „Академски такт за фолклорот и етнологијата“

Ана Ололовска

Прво онлајн издание на фестивалот „Илинденски денови“ во Битола

Ана Ололовска

Во Битола отворена изложба „Традиционални носии од Балканот“

Ана Ололовска

Семинар за традиционална музика и игра во Битола

Ана Ололовска

Во Битола почнува фестивалот „Локум фест – музика и традиција“

Ана Ололовска

Изложба на традиционални балкански носии во Гевгелија

Ана Ололовска