Македонскиот народен театар по повод новогдишните и божиќните празници в петок бесплатно ќе ја изведе претставата „Парите се отепувачка“ по текст и режија на Бојан Трифуновски.
Претставата е инспирирана од истоимената драма на Ристо Крле и од романот „Деветта конфигурација“ на Вилијам Питер Блати.
Во неа играат Николина Кујача, Славиша Кајевски, Гораст Цветковски и Софиа Насевска. Сценограф и костимограф е Мери Георгиевска, музиката е на Кантон 6.