Серија дела со суперхерои на уметникот и графички дизајнер Зоран Кардула ќе бидат претставени на изложба во галеријата „Анагор“, која по повод 45 постоење отвора нов галериски и изложбен простор во центарот на Скопје.
Во делата на изложбата, која ќе биде отворена в петок од 19.30 часот, Кардула спојува ретро со модерно, комбинирајќи советски пропагандни постери и херои од стрипови.
Минатата година во Рим тој се претстави со „Изложба без жири“, поставка од 40 негови дела кои биле редизајн на симболите што ја одбележаа социјалистичката ера на Југословија.