Во рамки на манифестацијата за одбележувањето на 110 години од трагедијата во селото Загоричани (1905 – 2015), вечер во Музејот на Град Скопје ќе биде отворена втората меморијална ликовна изложба „Стоп на теророт“. Воедно ќе биде промовирана и книгата „Зверствата во село Загоричани“ од Гр. Попанастасов.
На изложбата ќе бидат презентирани 52 дела со различни ликовни естетски определби, од 38 академски ликовни уметници припадници на различни генерации и преокупации кои со своите дела прикажуваат дел од своето најново творештво.
Манифестацијата е во организација на Родокрајното здружение Загоричани, Книгоиздателството Матица Македонска и Сојузот на македонците од Егејот Македон – Скопје, со поддршка од Министерството за култура.