Изложбата „Видео уметност и уметност базирана на време” ќе отворена во галеријата ФЛУ – Скопје (Педагошки факултет), утре од 20 до 23 часот и во среда, во истото време.
Учесници се Димитри Балојани, Воскресија Андреевска, Александра Ацеска, Јасмина Трпевска, Наташа Неделкова, Игор Стаменковиќ, Христина Мазневска, Петар Миљковиќ, Игор Таневски, Рада Велеска, Горјан Стојчев, Владан Петрушевиќ и Надица Толевска.
На изложбата ќе бидат презентирани дванаесет дела (видео дела и видео инсталации), резултат од проектот „Видео уметност и уметност базирана на време”.
Проектот се реализираше во текот на 2015 година, со учество на студенти од Катедрата по сликарство, а под менторство на доц. Слободанка Стевческа, а финансиски е поддржан од Универзитетот „Св. Кирил и Методиј“ во Скопје.