Претставата „Одисеј“ во режија на Александар Поповски, а текст на Горан Стефановски, е прогласена за најдобра претстава на Фестивалот на медитеранскиот театар „Пургаториј“, што се одржа во Тиват.
Одлуката со мнозинство гласови донесе жирито во состав: Дарко Антовиќ – професор театролог, Зоран Живковиќ – продуцент, Весна Вујошевиќ – актерка, Драгана Трипковиќ – драматург и публицист.
„Одисеј“ е претстава во заедничка продукција на театрите „Улиси“ и „Гавела“ од Загреб, на „Српското народно позориште“ од Нови Сад, „Словенечкото народно гледалишче“ од Марибор, „Ателје 2012“ од Белград и „Треатар навигатор“ од Скопје. Музиката во претставата е на македонската група Фолтин.
Наградата за најдобро актерско остварување ја добија Озрен Грабариќ за улогата на Одисеј и Елизабета Кукиќ за улогата на министерката Живка во претставата „Госпоѓа министерка“.