Одбрани најдобрите карикатури и афоризми на 18. Меѓународен фестивал во Струмица

Од:

Ивајло Цветков од Бугарија ја доби златната плакета на 18. Меѓународен фестивал на афоризам и карикатура што се одржува во Струмица. Меѓународното жири во состав Маја Чолакова од Бугарија како претседател и членовите од Македонија, Мирослав Георгиевски, Горги Панов, Никола Сарајлија и Александар Филев одлучувале за 200 карикатури и 400 афоризми кои пристигнале од 30 земји од светот.

dobivaj vesti na viber

– Со овие пристигнати дела, еротскиот цртеж добива една нова димензија, може авторите се повторуваат, но нивните дела се многу нови и го задржуваат вниманието. Од година во година се подобрува не само квантитетот туку и квалитетот на пристигнатите цртежи. Збирката досегашни цртежи ја претставивме во Габрово соседна Бугарија, а се надеваме дека ќе ја однесеме и во Софија, вели Марјан Пецев Захов, организатор на Фестивалот.

Сребрената и бронзената плакета за карикатура ќе ги добијат Константин Казанчев од Украина и Клаус Питер од Австрија. Одлуката била тешко да се донесе, вели претседателката на жирито, Чолакова.

– Неколку пати сум учествувала и лично како автор на овој фестивал. Затоа може слободно да кажам дека расте неговото значање меѓу карикатуристите. Овој фестивал има навистина уникатна тема- еротиката, но истата поврзана со карневалот. Тука е таа уникатна нишка. Има многу фестивали со еротска содржина, но оваа поврзаност со карневалот отвора многу поширок простор за уметничка креативност, вели Чолакова.

За оригиналноста на темата зборуваше и членот на жирито Георгиевски, кој посочи дека токму тоа било провокација за карикатуристите од странство да учествуваат на него.

– Повеќе од 30 години сум учесник на бројни фестивали. Моите колеги од странство секогаш го нагласуваат задоволството да учествуваат на струмичкиот фестивал токму поради слободата на темата. Еротиката и карневалот ги ослободуваат од тежината секојдневните политички и општествени теми кои се предмет на нивното креативно работење, рече Георгиевски.

Златната плакета кај афоризмите оди во Србија, кај афористичарот Милорад Вујновиќ под шифра „Чаробна ламба“. И сребрената и бронзената плакета ги добиваат афористичари од Србија, Пеко Лаличиќ шифра „Зоро свети“ и Александар Чортиќ шифра „Тајна веза“.

– Нијанси одлучуваа кој ќе го понесе пиететот најдобар афоризам. Навистина имавме афоризми на мајстори на пишаниот збор кој одлично си ја завршиле работата. Многу прецизно читавме и одлучувавме кои се најдобрите. Затоа годинава освен плакети, доделуваме и девет дипломи, што е најмногу досега, како своевидно признание на авторите, рече Горги Панов, член на жирито.

Осум дипломи ќе бидат доделени и за ристигнатите карикатури од автори.

Традиционално изложбата на карикатурите и читањето на афоризмите ќе се одржи на Чист понеделник (27 февруари 2017) во склоп на карневалското празнување во Струмица.

Би можело да ве интересира

„На тенок мраз“ изложба на карикатури од Лазо Плавевски во МСУ – Скопје

Ана Ололовска

Изложба на карикатури на тема корона од Миле Манчевски

Ана Ололовска

Битолскиот карикатурист Блаже Докуле награден во Сеул

Ана Ололовска

Златни плакети за карикатуристот Дору Аксинте и за афористичарот Миле Ѓоргиоски

Ана Ололовска

Меѓународни награди за тројца македонски карикатуристи

Ана Ололовска

Отворен Меѓународниот фестивал на хумор и сатира „Ин Виница веритас“

Ана Ололовска