Во Градскиот музеј – Крива Паланка набавени се дванаесет нови витрини за потребите на историската поставка, во рамки на проектот „Постојана поставка, реконструкција, реконцепција и адаптација на историска и етнолошка поставка“, поддржан од Министерство за култура на Република Македонија.
– Во делот од проектот кој се однесува на збогатување на историскиот фонд на градскиот музеј, од аспект на обезбедување технички услови за архивирање документи и за збогатување на библиотеката со историски материјали. Како дел од проектот се набавени девет типски витрини за библиотеката на музејот, како и три за архивата на историски предмети и материјали, изјави Драган Величковски, директор на ЛУ Градски музеј – Крива Паланка.