На сцената на велешкиот Народен театар „Јордан Хаџи Константинов – Џинот“ вечерва премиерно ќе биде изведена претставата „Тартиф“ од Жан Батис Молиер, во режија на Никола Ристов.
Актерската екипа ја сочинуваат Зоран Љутков како Тартиф, Јордан Витанов ќе го игра Оргон, Слободанка Чичевска ќе биде Елмира, Самоил Стојановски е во улогата на Клеант, Зорица П. Панчиќ како Дорина, Александар Вељановски како Дамис, Марија Стефановска како Маријана, Кети Борисовска како Госпоѓа Пернел, Жарко Спасовски како Валер, Александар Георгиев како Господин Лојал, Фаик Мефаиловски како Агент и Спасе Петрушев како Флипот.
Сценографијата е на Филип Коруновски, костимите се на Александра Крнинова – Груев, а музиката на Сашко Костов.