„Музеи за одржливо општество“ е мотото под кое утре ќе се одбележи Светскиот ден на музеите 18 Мај, кој музејските институции низ светот со разновидни активности го одбележуваат од 1977 година.
Во пораката по повод Денот на музеите, Интернационалниот совет на музеи (ИКОМ) ја признава улогата на музеите при подигање на свесноста на јавноста за потребата од општество кое не ја загадува околината, кое е поподготвено за соработка и кое користи ресурси на начин на кој се почитуваат живите системи.
– Мотото на Меѓунардониот ден на музеите има за цел да ја подигне свесноста на целото општество за постоечките последици од нашите дејствија на нашата планета и за неизбежната потреба за промена на економскиот и социјален модел ви општеството, стои во пораката.