По сканадлозната информација дека Македонскиот народен театар во петокот претрпел материјална штета на ентериерот по прославата на 30. годишниот јубилеј на навивачката група „Шверцери“ од Министерството за култура информираат дека во МНТ било најавено одржување на два настани, свеченото одбележување на Денот на албанската азбука и проекција на документарен филм, но до Дирекцијата на МНТ воопшто не било најавено присуството на навивачката група.
„Сметаме дека во институциите треба да има однесување како што налагаат кодексите за однесување во една институција од областа на културата“, стои во дописот на Министерството за култура.
Утрово во МНТ се повикани екипи на МВР да ги проценат штетите што биле направени по дивеењето на навивачите кои влегле во МНТ да го проследат документарниот филм снимен за нивниот јубилеј.