Во Музеј на Град Скопје вечер во рамки на „Скопско лето“ ќе гостува српскиот пијанист Богдан Ѓорѓевиќ, кој ќе изведе дела од Бах, Шопен и Лист.
Во 2000 година дипломирал на Академијата за уметности во Нови Сад, каде што ги завршил и магистерските студии. Во 2010 запишал докторски студии на Академијата за уметности во Белград, на отсекот драмска и аудиовизуелна уметност – креативна индустрија.
Учествувал на над 30 мајсторски курсеви и се усовршувал и соработувал со познати педагози за пијано. Реализирал голем број аудио и видеозаписи. Како исполнител на дела за пијано од Бах има снимено документарен филм „Полифонија во камен“, а како исполнител на делата од Лист ја има снимено емисијата „Со зборови, слика и музика“.