Изложба „Recurring Landscapes“ на хрватските уметници Дамир Жижиќ и Кристијан Кожул

Од:

Изложба „Recurring Landscapes“ на хрватските уметници Дамир Жижиќ и Кристијан Кожул ќе биде отворена денеска во објектот на Националната галерија на Македонија, Чифте амам.

Изложбата се состои од неколку инсталации произведени наменски за просторот на Чифте амам, кои произлегуваат од неодамнешната работа и интереси на уметниците. Изложбата го истражува феноменот на подоброто претставување и генеричкото искуство, кои се од централно значење за трансформирање на менталниот приказ под влијание на глобалниот пазар и маркетинг индустријата.

Делата на Жижиќ и Кожул се дел од колекциите на Музејот на современата уметност во Загреб, Музејот на модерна и современа уметност во Риека и Куќата Лауба во Загреб.

Уметникот Жижиќ на прес-конференцијата по повод изложбата истакна дека во своите дела се занимаваат со методологијата на самиот медиум, со методологијата на креирање на желбите, за што, како што рече, сведочат делата кои се формирани преку директен медиумски јазик кој го користи каква била маркетиншка или медиумска струка надвор од уметничката.

– Многу често сме сведоци дека симболиката и јазикот во медиумите и маркетингот произлегуваат од современата уметност и, исто така, се враќаат во современата уметност. Токму тоа место каде се вкрстуваат маркетингот и уметноста ни е појдовна точка на инспирација во која едноставно се обидуваме на ист јазик да зборуваме за други работи, односно како функционира креирањето на нашата желба преку некаков јазик на медиумите, рече Жижиќ.

Меѓу делата кои ќе бидат претставени на изложбата е „Recognizable Landscape“ (Aquamarine), кое индустриски претставува инџет отпечаток на рекламна церада и прикажува фрагментиран одблесок на Сонцето во базен кое ја покрива целокупната површина на платното. Компјутерски генерираниот пејзаж користи реалност како визуелен темел, создавајќи целосно фиктивна глетка понудена на набљудувачот како препознатлив фрагмент на совршено летно искуство.

Едно од делата е насловено „Cassis Cornuta“, кое како основа користи школка која уметниците ја купиле во сувенирница на брегот на Јадранското Море, а егзистира во Тихиот или Индискиот Океан.

Изложбата на двајцата уметници од Хрватска во Чифте амам ќе биде отворена до 19 мај.

Би можело да ве интересира

Отворање на изложбата „Денис Боувен“ во МКЦ по повод Светскиот ден на уметноста

Предраг Петровиќ

Во Музеј галерија Кавадарци изложба на дела од ликовниот уметник Новица Трајковски

Во Струмица изложба „10 до 12“ на Костадин Батев

Се отвора изложбата „Координати на еден сон: 60 години проектирање современост МСУ СКОПЈЕ 1964 – 2024“

Во Кавадарци отворена изложбата на скулптури „За послушноста”

Изложба на академскиот сликар Валентина Поцеска во “Галерија Метаноја“