Изложбата на слики „Најнови портрети 2020“ од ликовниот уметник Дејан Божиновски – Коска денеска ќе биде отворена во Културно-информативниот центар во Скопје.
На изложбата авторот ќе се претстави со 12 слики, работени во масло и акрилик на платно.
Дејан Божиновски е роден во 1984 година во Куманово. Дипломирал во 2009 година на Факултетот за ликовни уметности во Скопје, во класата на професор Јован Шумковски. Досега имал неколку самостојни изложби низ земјава, во Куманово, Велес, Струмица…