Во Чифте амам вечер ќе биде отворена изложбата „Природа на Униерзумот“ на канадската уметница Жо Ан Ланвил.
Посетителите во наредните 10 дена ќе имаат можност да видат графики, цртежи и објекти кои ги третираат прашањата од загадувањето, уништувањето на животната средина, нарушувањето на еколошката рамнотежа.
Изложбата е организирана со поддршка на Канадската амбасада во Белград, а ќе ја отворат амабасадорот Филип Пинингтон и директорката на Националната геларија на Македонија Дрита Старова Керими.
Ланвил е коосновач на ателјето Прес Папие и Интернационалното биенале за современа графика Троа – Ривириере. Реализирала преку 30 самостојни изложби во Канада и во повеќе од десетина земји во светот. Добитник е на повеќе меѓународни награди меѓу кои наградата за најдобро графичко дело во Париз и Почесната награда на меѓународното графичко биенале во Обединето Кралство.