Во Културно информативниот центар во Софија денеска во 18.30 часот ќе биде отворена изложбата на македонска уметница Вана Урошевиќ насловена како „Невидливиот медиум на чудесното”. На оваа самостојна изложба уметницата ќе се претстави со 50 дела, работени со вез на рачно обоена свила.
Изложбата е финансиски помогната од македонското Министерство за култура, а ќе ја отворат директорот на Македонскиот културен Центар во Софија, Васко Шутаров, и директорката на Музејот на современа уметност, Елиза Шулевскa.
Вана Урошевиќ за прв пат изложува самостојно во Софија, а нејзината изложба посетителите ќе можат да ја видат до 19 март.